الناهردة كان أول يوم ليَّ في الكلية وكان المعاد المعهود اللي استنيته كتير ... محاضرة نتوركس .... مفرووض ده المجال اللي أنا بأحلم إني اشتغل فيه وبقالي داخل على سنتين بذاكر فيه مع نفسي ... بس الناهردة اكتشفت جنب جديد قوي للنتوركس مكنتش أعرفه زمان وابتديت أسأل نفسي أنا ليه بحب النتوركس أصلا .. الغريبة كل الأسباب اللي في دماغي ما بقاش ليها معنى بعد محاضرة الناهردة .اللي حصل الانهارده ببساطة إني اكتشفت حاجة غريبة جدا ... إن دكتور مادة في الكلية مسئول كبير جدا إنه يا اما يحببك في علم أو يكرهك فيه يعني أنا فيه وجهة نظري لو الناهردة كان أول مرة في حياتي أسمع عن النتوركس زي ناس كتير قوي في المدرج الناهردة أول مرة يسمعه مباديء النتوركس كان زماني كرهت المادة والعلم واللي عمل النتوركس أصلا بس لولا إني ذاكرته لوحدي وعرفت إيه الحلو والوحش فيه كان زماني أعد في المدرج بعيط أصلا .
المشكلة دلوقتي مش في النتوركس المشكلة في أيام وسنين اديتها في الكلية ... أنا الناهردة اكتشفت إن احتمال كبير قوي يكون عدى عليَّ مواد أو فروع علم ممكن تكون حلوة قوي زي النتوركس بس للأسف الدكاترة يكونوا زرعه جواية عدم قبول مادة ده أو العلم ده ونرجع نقول فاضل زلطة ونطلع بره
HAPPY NEW YEAR
1 comment:
ana 3lfkra da5el elkolya ba7eb el electronics aw 3l22l msh bakrahha, dlw2ty electronics dy aktr 7aga bakrahha f 7yaty w bb3ed 3nha bkol el toro2!
Post a Comment